ليلة الدخله على الطريقه السعوديه

بسم الله الرحمن الرحيم

السلام عليكم و رحمة الله و بركاته

ليلـه الدخله على الطريقه السعوديه..

(18سنه فما فوق )

هذا الموضوع .. للكبار فقط

اللي بـينحرف ذنبه على جنبه ************************>> شكلي بجيب العيد


@@@@@@

هذا واحد يحكي قصة ليلة دخلتة

أسـمـعـوا الــقــصــة

ليلة الدخلة .. ياهي ليلة عيد من جد ..

طبعا ً الناس تختلف عاداتهم .. من ديره لـ ديره

اللي يلبسون كرفتات .. واللي يلبسون طرابيش حمر .. واللي يلبسون ثياب وغتر وبشوت
أنا أبي اسولف عن أهل الخليج . . وبالتحديد السعودية ...

طبعا ً قبل العرس لازم تنسق مع أهل العروس على المهر ..

وعندنا المهر مو ثابت . . يعني على حسب البنت في بعض المناطق


@@@@@@

وفي مجتمعنا المحافظ .. يقهرونك قهر ورب الكعبة .. تروح أختك وأمك يتفحصون البنت

<< مادري كانهم شارين لي سيارة مو بنيه .. مو ناقص إلا ياخذون بها مشوار يجربونها . .

و ترا المسألة ترجع كلها على حسب ذوق اختك ..

( وبيني وبينك .. اذا تبي تعرف ذوق اختك افتح دفترها حق المدرسة ..

إذا هو مزخرف وحركات وورد .. يعني ذوقها تمام

و تلقى اسماء مميزة زي ذكرى +ام هنوف + موضي + ام ليالي .. وقلب حب مدري و شلون هو جاي ..والله اني
رحت فيها )

الخلاصه00

أختاروا لك بنت وكل شي ..عاد المفروض بالعقل إنك تشوفها .. لأنها شريكة حياتك ( الشرع يقول كذا )بس عندنا عدات وتقاليد في هالخصوص مفادها : (( إنك ما تشوفها )) .. بس يوصفونها لك .. ( ولو بس تحاول مجرد محاولة إنك تشوفها أوتقرب منها والله إن يطردون وراك أخوانها برشاشاتهم كأنك إرهابي مو جاي تتزوج )
هنا00

. توصفها لك أمك أو أختك شعرها كذا .. طولها كذا .. يعني شي خيالي .. وانت تفكر وتقول بنفسك

( يلعن ام الجمال هذا يا شيخ )

وأمك ترفع .. وأختك تكبس الخ .. وعلى هالوصف هذا هيفاء وهبي مو بنت أم فلان

وتقعد لك ثلاث شهور .. وأنت بس تفكر في البنت .. لين ينتفخ راسك . .

ويجي اليوم اللي تمنيته طول حياتك .. ليلة العمر ( وما أدراك ماليلة العمر )

تلقاك لابس البشت وأبوك على يمينك وعمك الكبير على يسارك . .

وأخوانك وعيال عمك وعيال خوالك وعيال جيرانكم .. حتى عيال خدامتكم بعد . .

كلهم متجمعين .. واللي يرقص واللى يعرض بالسيف ( مسوي فيها الزير سالم )

واللي ماسك الرشاش يرش السما من الطلق .. تقول جالس بحرب كانه مو زواج . .

بصراحة

العريس ما يخاف إلا اذا00 قاموا أهلك يدخلونك على صالة الحريم بالغصب يدفونك دف هنا يجيك

( مغص في البطن ) الله لا يوريك ..ما تشوف إلا العيون .. اللي حاطه ( الوان في وجها واللى كانه واحد ضريها بكس على عيونها مدري كيف هذا المكياج )<< خلو الروج كمان بالعيون
واللي مغطية الوجه ومطلعه الخصله ..

ولما تمشي في الصالة تبي الكوشة .. تسند جسمك على ابوك على شان ما تطيح من هول ما ترى

وتجلس على الكرسي تلتقط انفاسك .. وأنت من الداخل تغلي تبغى تشوف وجه العروسه

ولما يطلعون اللي يزفوك .. ابوك وعمك وحماتك وامك واختك <<

الحين عاد يجي الكلام اللي مال امه داعي . .

تجي أمك وتزل الملعب وترقص فرحانه بولدها

وشويه خالتك تراقصها ..و اختك ..

طبعا ً العالم اللي عندك ساعنها منتى صوبهم .. تبي تشوف البنوووته اللي جالسة بجنبك..

وفي هذه الأثناء انت منجعص على الحضور .. وعينك تقز في البنات اللي قاعدين . .

والبنات الله يقلعهن يستعبطن استعباط ماله داعي . .

اللي تطيح الشيله متعمده .. واللي تنزل العبايه شويه وتطلع البلاوي .. واللي ترفع الغطوه يعني تشرب ماء
( الله يرجهن . والله انهم زاحفات )


وبعدها تنطلق أنت وهالغزال للعشة الزوجية ==> أموت أنا على العشة الزوجية

ويدخلونكم الغرفة .. واللي يهني واللي يزغرد .. هنا تدخل لابس البشت ==> كان السلطان هارون الرشيد
هنا الباب مقفل

وتقول للعروس : السلام عليكم

وهي أشكل .. ما ترد ==>

لقط ياعم من اشكل

وتنزل البشت .. وتجي تقعد جنبها على السرير

( أيوه ... هنا الكلام ) ....

ويوم جلست .. وانا المح طرف كوعها .. كحيت

ولا ترد علي !!؟

يافلانه تعوذي من ابليس .. وقومي

وهي تسوي مستحية ..

المهم .. وانا اسولف معها ما ترد علي ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )

عاد أنا شهم لأبعد الحدود ==> والله انك شرير لأبعد الحدود

وقلت لها .. يا بنت الناس .. حنا الحين متزوجين .. يعني أنتي زوجتي حلالي بشرع الله ورسوله . .

ما ردت علي .. كأني أسولف على جدار

وقلت بيني وبين نفسي ( يا كثر ما تسولف على نفسك )

( تدري شلون .. خلني اضحكها .. أنكت أستعبط شوي.. وألطف الجو )

والله وأجي وأقعد جنبها .. وأقول فيها بيت شعر .. أتغزل فيها

وهي شطف .. ولا كأني موجود بالغرفة !

وأقوم وآخذ القلم وأسجل رقم جوالي .. وأقطه عليها وقلت لها هذا رقمي

أرقمها (بكيفي زوجتي ) ..

وهي تبتسم بس ما تكلمت .. ويوم تبسمت جيت وجلست بجنبها (و لزيت فيها زيادة )

وقلت لها .. ( معك مباحس أمن الدولة ) ==>مسوي أنكت أنا وراسي
هنا أحس إن البنت قالت بقلبها . . ( يا الله المستعان .. زوجي طلع خبل )

وآخذ لي ربع ساعة وأنا مفهي على زولها . . أطالعها من فوق لتحت ==> تحسون عمره ما شاف خير

واقول بنفسي .. ( يا ولد الجسم مسكت ما يحتاج .. بس الوجه .. ابي اشوف الوجه )

والله وأنا امسك يدها .. انا من مسكت اليد وقلبي قام يقول طربق طربق ..

والبنت قامت تنزل يدها الثانية شوي شوي ..

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل

الـ B52 يوم تنزل على بغداد .. وانا لي صياح << سجن ابو غريب مو العشة الزوجية

وأروح وأوقف عند الباب .. وأقعد اطالعها .. مدري وش أسوي

إن طلعت برا شافوني اهلي .. ويقولون وش فيه ولدنا لا يكون فضحنا مع البنت

وإن جلست في الغرفة .. هذي مش راضية تعطيني وجه .. وقمت افكر و افكر لين طرت على بالي خطة

واشوف سويتش اللمبه ( Off .. On ) .. طفيت اللمبه .. و ولعت اللمبه الحمرا.. ألمِح لها يعني أبيها تفهم ..

والله وتقوم بنت الحلال وتتوجه صوبي

أنا يوم شفتها جتني تمشي .. خفت والله .. قلت الحين تبي تلعن خيري

وتجيك المعزبه .. وتطفي اللمبه الحمرا .. وتولع اللمبه العاديه

وأنا ماسك يد الباب أبي انحاش إذا قربت لي <<== أمحق رجال

وقلت لها .. ( خلاص بلا عرس وبلا بطيخ .. الحين انا ابي انام .. وشلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << العن أم الخوف

واروح لزاوية الغرفة .. واحط المخده .. واحط راسي عليها .. وألقيها ظهري

وحسيت في البنت قامت وتحركت .. ( تغير ملابس الفرح )

وانا صاد اطالع الجدار ( ما قلت لكم شهم ) أي هين تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني

والله وانا اقوم واروح لثلاجة اللي بنفس الغرفة .. وفتحتها

وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

وأسحب الكتكات .. وأقعد آكل من الحلويات لين أرتفع السكر اللي عندي

والبنت تطالعني مستغربة .. انا إذا شفت الحلويات والعصيرات .. أفقد الوعي على طول

وحسيت فيها انها تناظر لي .. وانا آكل من الحلويات .. من كل بستان زهرة على ما قالوا
وأجي وأحطهم عندها .. وأطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات (عاد أنا أحلى شي عندي الكتكات يم يم ) ..

والله وانا اطالعها بعيوني .. ( ابيها ترجعه وتاخذ شي ثاني غيره )

وهي ما تهتم فيني .. وتفتح الكتكات و تدخل يدها تحت الطرحة وتآكل

وقلت لها .. أدفع نص عمري بس أشوف وجهك . .

قالت بصوت خافت ومبحوح ( صوتها يدوخ ياجماعة الخير )

قالت .. أبي بطاقة سوا

انا يوم سمعت البطاقه .. كأنك صافقني مخمس على خشتي

وقلت في نفسي .. هلا هلا بدينا ؟! .. من أولها بطاقه سوا .. شكل المعزبة راعية تلفونات

وقلت لها .. أجيب لك الثريا .. بس أكشفي هالخشه .. أبي أكحل عيوني وأشوف

(ابي اوصف لكم الحدث .. كأنكم معي )

وتضع يدها على النقاب ..

وأنا أنظر ..

و يبدأ التصوير بالبطيء .. وأنا أنظر لها بتلهف وفاتح فمي

وحين كشفت لي عن وجهها ..

قلت ( ............ ......... ......... ......... ...... )

وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير

واحذفها عليها بسرعة 85 ميل في الساعة لكنها تحاشت الطلقه

أنا أنقهرت .. وقلت .. الله يقلع عمر أختي اللي جمعتني فيك يا بنت الإيه ...

والله وأنا أطالعها منقهر .. ومتحسف على المهر ( السبعين ألف )

وأقوم .. وأروح أجيب لي خيشه .. وأغطي راسها .. وفتحت في الخيشه فتحه على شان تقدر تتفس ..

وأربط الخيشه براسها ..

عاد أنا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم

والله لألعن أبو الـ D . N . A اللي عليكم ياشيخ . . وش ذا

مزوجيني مسخ الله لا يبارك فيكم ؟! . .

بالله هذي بنت .. لعن أبو دراكم لو إني مآخذ لي سرلنكيه أصرف لي والله من هالنمس اللي أنتوا مزوجيني إياه . .

طلعوا باقي المهر لا أجيب عليكم الشرطة الحين ..

وتقولون هيفاء وهبي بعد ؟! .. زكيه زكريا أطلق منها الله لا يربحكم أن شاءالله . . ==> يقولها متحسف منين أسدد الديون اللي علي . .المهم .. وانا اقط البنت على اهلها .. وارسل لهم ورقة الطلاق. .




************************************************** *******



:: فوائد الموضوع ::


1-تموت الأسود في الغابات جوعا ً .. ولحم الظأن يرمى للكلاب ُ0

2- نعيب زماننا والعيب فينا .. وما للزمان عيب ٌ سوانا 0

3- لا تثق في ذوق احد .. بل اختر انت بنفسك .. الدعوه فيها شريكة حياتك مو قطعة قماش

4- خلك رجال .. وخش في عين البنت من أول لحظه .. لا تسوي سوات الاخ .. ترا تروح فيها

5- عاملوهن بالمعروف ولا تغصبوهن على ما حرم الله

6- اتمنى تكونون استانستوا . . واستفدتوا من القصة . .


ومشكورررررين واسفه على التطويل

مع حبي/ بنـ مكه ـت وفـ قلبـ حكه ـها

السلام عليكم

روحي ياشيخه سديتي نفسي معد ابغا اتزوج اذا كانو البنات كذا
اقعد في بيتي اريحلي
بس مو مشكله الموضع تمامز
على فكره كنت امزح لا تزعلي
و شكرا على الموضع الرائع
مع تحياتي

ياهوو الله المستعاان الشغله خرباانه من ايام جدي يعني وش اسوي مالي الا ارضى بالنصيب ..

موضوع رووعه والاروع انك تكوون تعرفهااا قبل لاتاخذهااا .. ننتظر ابداااعك ..

اخوكي الصغير ..:مجنووونك ياصغير